Sida aan ognahay waxaa soo baxday fatwa cusub oo cadaynaysa in ururka ONLF uu yahay urur xaq udirir ah dagaalka uu ku jirana yahay jihaad. Run ahaantii fatwadaas uu baxshay Sh sharif cabdinuur baahi weyn ayaa loo qabay maadaama ay jiraan ururo kale oo tashwiish galiyay ujeedada mujaahidiinta ONLF ee xaq udirirka ah, halkan waxad kaga bogan kartaan fatwadii oo faahfaahsan.
Waxaa xusid mudan in fatwada markii ogu horeysay lagu faafiyay Bogga internetka ee qorahay.com online. Waxaan ka cudurdaranaynaa in bilawga codka laga jaray hordhicii Qorahay online taas oo sabab u ah dadkii noo soo diray oo ku tuntay copy right-ka Saxaafada waana ka raali galinaynaa maamulka qorahay online.
Sh Sharif cabdinuur oo ka mid ah culimada ugu waaweyn somalia dhinaca cilmiga iyo da`daba, ayaa lagu weydiiyay magaalada Makka ee barakaysan mawsimka xajka ee 2008, suaal ku saabsan ururka ONLF in ay yihiin mujaahidiin xaq udirir ah iyo inkale. jawaabtii shiikha waa sidatan:
Halkan ka dhageyso fatwada shiikha.
Ururo badan oo diini ah ayaa ayaa dacaayad iyo tashwiish ku furay ururka xaqudirirka ah ee ONLF.
Ururka ugu weyn ee mugdiga galiyay jihaadka ay wadaan walaalaha xaqudirirka ee ONLF waa ururkii fashilmay ee AL-itixaad hadana la yiraahdo AL-ictisaam.
Ururka Al itixaad waxaa lagu yaqaanay in fatwooyinka Sh sharif cabdinuur midii ay u arkaan maslaxadooda in ay faafiyaan dadkana sanka ka galiyaan, Allah ayaa waxa uu qadaray in Shariif cabdinuur maanta cadeeyo jihaadka ONLF oo ay mugdiga galiyeen, halkaasna waxaa lagu aasay beentii iyo dacaayadii Al-itixaad.
Hadaba ururka Al-ictisaam ex Al-itixaad waxaa dhaqan u ah dagaal kasta ay galaan in uu yahay Jihaad xaq ah waajibna ay tahay naf iyo maalba in loo huro, una arka dagaalada ururada kale in aysan jihaad ahayn xoolana aan lagu bixin karin.
Waxaa wax lala yaabo ah dagaalada ururka Al-ictisaam(ex alitixaad) ay la galaan dadka muslimiinta ah in uu yahay jihaad xaq ah, halka ONLF oo la dagaalanta gaalada saliibiyiinta uu dagaalkooda noqday baadil.!!
Waxaa kale oo xusid mudan in ururka Al itixaad sidoo kale uu dacaayad iyo tashwiish ku furay culimadii iyo dadkii aan dhexgalin dagaaladii fitanta ahaa ay la galeen muslimiinta soomaaliyeed kuna tilmaameen dad jihaadka diiday gaaladana u shaqeeya, dhinaca kalena ururadii jihaadka kula jiray gaalada ay ku tilmaameen calmaaniyiin iyo qawmiyad u dirir.
Ugu dambayntii markii la isku geeyo arimahaas oo dhan waxaa kuu soo baxaysa in qaacidada ururla AL-itixaad ku shaqeeyo ay tahay;
1-Dagaalkii aysan iyagu wadin jihaad maaha
2- Dadka ay dilaan dhiigoodu waa xalaal
3-Dacwada iyo arimaha diinta ayaga ayaa u xilsaaran!!
4-Fataawooyinka culimada oo ay danahooda ku fushadaan.
5-Fataawaha danahooda ka soo horjeeda ay qariyaan sida fatwada ONLF, waxaana cadeyn kuugu filan mawqicyada itixaadka taageera in aysan soo gudbin fatwadan.
sida aad la socotaan muslimiinta ogadenya waxaa saaran cunaqabateyn dhinac walba ah, taasoo sababtay abaar xun markii la damcay in loo gurmado walaalahaas oo masaajidyada somalida dhaqaale looga aruuriyo, ururka Al itixaad ayaa ishortaagay in wax looga aruuriyo masaajidyada ay gacanta ku hayaan, taasoo qalqal galisay shacab badan oo niyad wanaagsanaa lana yaabay sababta ku kaliftay in ay is hortaagaan gurmadka muslimiinta ogadenya.
Waxaa is weydiin leh mawqifka ururka Al-itixaad ka qaadan doono fatwada Sh Sharif cabdinuur ee ONLF, iyadoo horay loogu yaqaanay in ay tuuraan fataawada aan dantooda aheyn isla markaana dacaayadeeyaan shiikha fatwooday.
miisaanka.com :::: Email: Halkan Nagala soo xiriir Guji ::::
