Beesha Celi Cumar oo Nabada iyo dowladnimada taageersan  

waxaan halkana ku cadeynaynaaa isla markaasna cambaaraynaynaa in qormada  lagu qoray website-yada AllPuntland.Com….Shaaciye.com….Xusuus.com…Dayniile.com ee 02/2/2010 oo aan la ogeeyn cida qortay qoraalkaa ,taa waxaa cadeeynaya qorma walbaa waxaa lagu muujiyaa cida qortay iyo meesha eey ka soo baxday balse qormadaani waxeey aheeyd mid been abuur ah taana waxaa kaaga daliil ah qormadii la magac baxday : Beesha Celi Cumar oo ku goodisay in ay kalsoonida kala laabaneyso Dowladda KMG

1) Cida qortay lama muujin.

2) Qoraalka waxaa uu muujinayaa sida qormada ku  cad : ” Xubnihii kulankani ka soo qeybgalay ayaa waxay intaa raaciyeen in xiligii Ra'iisul Wasaaraha Dowladda ka ahaa Cali Maxamed Geeddi maamulka Gobolka Banaadirna uu hayey Maxamed Dheere in Waqooyiga Muqdisho iyo guud ahaan Xamar gacanta Dowladda KMG ay ku jirtay.” Beesha Celi Cumar aad ayeey uga soo horjeeday Maquuste iyo shaqaalahiisii u shaqeeyn jiray sida Cali Geedi iyo Maxed dheere ,akhristow sow ma muuqato in qormadaani ay qoreen kuwa Maquuste iyo shaqaalihiisa ka midka ahaa si ay u kiciyaan Beesha nabada iyo wada noolaanshaha jecel ee Celi Cumar in eey lugta ku dhiftaan dowlada tabarta daran ee xiligaan ka jirta Somalia.

3) Waxaa foolxumaa in qormada ay ku jirtay : ” Sidoo kale shirkaasi ayaa la iskula soo qaaday ka qadsanaanta beesha Celi Cumar ee Xubnaha Baarlamaanka iyo qeybaha kala ee Dowladda ka kooban tahay, taasoo ay sheegeen in ay ugu wacan tahay Madaxweyne Shariif oo ay tilmaameen in uu xaqiray beesha Celi Cumar” Akhristow sow qormadaa kuma cada siyaasad xumida lagu been abuueranayo beesha, runtii beesha waa beel aanan ku degdegin qaabka wax qeeybsiga dowlada ee ah 4,5 sida la ogyahay qaabkaa waxaa wax ku helay oo umada bili-liqeystay qaasatan mida Mudulood kuwii hubka umada ku gumaadayay waxaana laga qadiyay Beelihii laf-dhabrka u ahaa Mudulood sida Moobleen.Wacdaan,Hilibi xagee joogaa Celi Cumar iyada oo la ogyahay in kuwa jufa ahaan u xigay ay bili-liqeysteen Mudulood oo dhan xaqii uu lahaa miyaadan maqal xaq maaha basle waa xal ???? 
 
 

Sidaasi darteed, Mulkiilayaasha website-yada AllPuntland.Com….Shaaciye.com….Xusuus.com…Dayniile.com waxaan ka dalbaynaynaa in ay raaligelin buuxda ka bixiyaan meel ka dhaca ay  kula kaceen Beesha Celi Cumar  waayo waxey daabaceen qoraal xaq darro ah oo fidno iyo Been abuur ah oo aan la ogeyn meesha cida qortay iyo meesha uu ka soo baxay.

Sidoo kale waxaan qormadaan ku qeexaynaa in beesha Celi Cumar ay tagareesan tahay jiritaanka dowlada midnimada qaran ee taagta daran safka horena kaga jirto horumarinta iyo adkaynta nabadgalyada caasimada dalka ee Muqdisho,Celi Cumar waxuu ku nool yahay nabada wadajirka iyo wada noolaanshaha dhamaan umada somaliya marka ay nabada timaado cid dafiri kartaa ma jito, basle Celi Cumar dagaal kuma raadinaayo in uu maroorsado talada dalka sida Maquuste iyo shaqaalahiisii xabashida dalka ku soo hogaamiyay.

Beesha waxaa ilaa iyo hada wax ka noqday mudane Nuur Xassan Xussen Nur Cade waxa uu qabtay iyo sida uu Ethiopia iyo Maquuste dalka kaga saaray waa la ogaa welina Somali waa ay u qoomameeysaa, Somalida waxey u baahan tahay kumanaan Celi Cumar ah oo jecel nabada iyo wadanoolaanshaha basle weli kuwii talada laga eryay ayaa wada qormooyinka been abuurka ah. 

Dhinaca kale dadka qormadaan been abuurka ah qoray waxaan u sheegaynaa in haddii aad neceb tihiin madax weyne Sheekh Shariif , waxba magaca beesha Celi Cumar ha ka been sheegina ee haddii aad rag tihiin soo bandhiga magacyadiina oo sax ah iyo beesha aad kasoo jeedaan, wixii aad ka tabanaysaan si toos ah ugala xisaabtama Madaxwayne Shariif  iyo maamulkiisa.

Ugu dambayntii waxaan dhammaan ummadda soomaaliyeed u rajeeynaynaa in Ilaah dhibta labaatanka sano dul saaran ka qaado dadka fitno wadayaasha ahna inuu Ilaah noogu badalo dad ummadda mideeya, jidka nabadana iyo wadanoolaashaha u horseeda. 
 

Dr.Ali.A.HIrabe   Hirabe_a@hotmail.com