Raga kala ah  sh Xasan daahir aweys iyo sh Xasan turki,oo lagu bartay in ay gaalaysiiyaan dawlad ku sheegta soomaaliyeed, baaritaan ay sameesay bahda miisaanka ayaa waxaan ku soo ogaanay in culimada waawayn ee soomaaliyeed aysan la qabin arinkaas.

Sida la ogyahay Sh xasan daahir oo marwalba carabka ku dhuftaa in dawlada uu horboodaha ka yahay cabdullahi yusuf ay murtadiin yihiin, halka uu Xasan Turki ka gaalaysiiyay dadkii ay dagaalka isla wadeen uuna ugu horeeyo amiirkiisii Sh shariif, si dadbana u gaalaysiiyay saaxiibkiis Xasan daahir.

Ragaan oo aan ka mid ahayn culimada waawayn ee soomaaliyeed, ayaa waxay caado ka dhigteen in ay gaalaysiiyaan cidii khilaaftaba, heer ay marayso in ay dhexdooda is gaalaysiiyaan, taasina waxay cadayn u tahay in aysan ka duulayn qawaacida ahlu sunnaha ay u dajiyeen ka bixitaanka diinta islaamka.

halkaan waxaan idinkugu soo gudbinaynaa hadaladii culimada waawayn ay ka dhaheen gaalaysiinta dawlada iyo dadka la shaqeeya.

Sh Cumar Faaruuq oo kamid ah culimada waawayn ee soomaalida,aana kamid ahayn garabyada isku haya siyaasada murugaysan ayaa mar la waydiiyay xukumka dawlada soo kaalmaysatay xabashida iyo dadka la shaqeeya. 

halkan ka dhageyso jawaabta Sh cumar faaruuq

Taasi waxay ku tusinaysaa aqoonta uu Sh Cumar faaruuq u leeyahay Qawaacida ahlu sunnaha. Shiikhuna wuxuu cadeeyay in Ahlu sunnaha aysan si duuduub ah u gaalaysiin qofkii gaalnimo ku dhaca ee loo baahan yahay tafsiil taasoo ah in la hubsado sababta ku kaliftay arinkaas. kooxaha dhunsan ayaa lagu yaqaanaa in ay si duuduub ah u gaalaysiiyaan muslimiinta.

Sh Umal ayaa sidoo kale tilmaamay in lakala qaadayo qofka iyo ficilkiisa, taasoo micnaheedu yahay in qof kasta oo gaalnimo ku dhacay uusan gaaloobayn, kana digay in nin walba gaalaysiiyo kii ay is khilaafaan.

Halkan ka dhageyso hadalka Sh Umal

Al-callaamah Shariif cabdinuur oo ka mid ah culimada sida weyn looga yaqaano somalia ayaa ku dhici kari waayay in uu gaalaysiiyo kuwa gaalada soo kaxeestay, taasina ay ku tusinayso  in aysan sahlanayn in qof muslim ah la gaalaysiiyo. Sh umal oo ka dhageystay cajal hadalka Shariif cabdinuur ayaa noo sheegaya.

halkan ka dhageyso Sh umal oo sheegaya hadalkii Shariif cabdinuur

Waxaa halkaas nooga cadaaday raga dawlada gaalaysiinaya in ay lafcad toobin ku hayaan, aysana heysan wax xujo ah. waxaana la oran karaa waa rag isku heysta madaxtinimo, haba kala duwanaatee wadooyinka ay u marayaan. sidaas darteed waxaa la oran karaa labada xasan hadalkoodu qabasho ma leh.

Bahda miisaanka oo u taagan soo gudbinta xaqaaiqda la qariyay, saari doontana miisaanka cadaalada.

:::miisaanka.com::: warbaahin miisaaman:::: miisaanka@gmail.com