Adeegto ama adeege !

(Qiso la yaab leh oo ku dhacdey qoys carbeed) 

Sugid dheer ka dib, waxaa timid adeegtadii dalka Filibiin u dhalatey ayadoo soo gaartey gurigii qoyska hantida badan lahaa ee loo soo kireystey shaqadiisa, waxaa si diiran u soo dhoweysey hooyadii qoyskaas, waxeyna uga sheekeysey dariskeeda ayadoo ugu bishaareyneysa in ay u timid adeegtadii ay mudada dheer sugayeen, waxey guda gadashey adeegtadii la soo carbiyey hawsheedii waxeyna kasbatey raali ahaanshaha qoyskii, hooyada gurigu raaxo ayey dareemi jirtey marka ay gacanta heysato adeegtadaasi, ama marka ay tuujineyso madaxeeda kolka ay xanuun dareento ama marka ay tinteeda shaleyneyso……. 

Muddo ka dib, hooyadii qoyska waxey daahfurtey xirfad cusub oo ay leedahey adeegtadu, waxeyna ogaatey in ay si fiican u taqaano daliigga, waxeyna weydiisatey in ay jirkeeda oo idil daliigto, adeegtadiina arinkaas ma diidin….waxeyna u soo dhoweysey si laab furnaan ah…hooyadii gurigu waxey dareemi jirtey farax marka loo daliigiyo..arinkiina waxey uga sheekeysey ninkeeda, ayadoo u sheegtey in aysan waxba ka qabin in ay asagana u daliigto oo uu tijaabiyo maadaama uu ka sheegan ninkeedu daal badan oo hawshiisa la xiriirta… si taxadar leh ayuu ku ogaaladey muddo ka dib, ..waa lagu bilaabey ninkii guriga lahaa, dhowr jeerna waa loogu celceliyey…wuxuu bilaabey dareenka raaxada iyo macaanka  uu leeyahey daliiggu… shaydaankii ayaa bilaabey inuu u maceeyo arinka taasna ay keentey in ninkii uu si aad ugu soo dhowaado adeegtadii asagoo la cayaaraya, la kaftamaya, iyo asagoo si daran u jecalaaday khaadimadii, isla markaasna wuxuu bilaabey in ay laabtiisa ku soo laablaabato sidii u sameyn lahaa xumaan. 

Maalin maalmaha ayuu qoyskiisii oo dhan geeyey guri reer ay qaraabo yihiin, wuxuuna si degdeg ah ugu soo laabtey gurigiisii asagoo ku faraxsan danbiga weyn ee uu galayo…..ninkii gurigii ayuu si hal haleel u soo galey asagoo shaydaaanku qalbigiisa indha tirey.. wuxuu ku soo boodey adeegtadii asagoo weydiisanaya in ay daliigto.. adeegtadii ma diidin arinkaas… wuu u soo dhowaadey wuxuuna weydiisey in ay isku dhiibto….waa ay diidey waxeyna isku daydey in ay cararto…wuu soo qabtey wuxuuna si xoog ah uga dhigey dharkii ay xirneyd oo dhan… waa uu eegey mase balaa dhacdey muxuu arkey??? 

La yaab ayey laheyd kadiskii uu arkey ninku! Wuxuu waaba nine ee naag ma aheyn…musiibaa dhacdey…ninkii xishood iyo yaxyax ayuu dareemey.. wuxuu dib u xusuustey sida ninkaani uu ugu daliigi jirey haweeneydiisa.. dhidid badab baa ka soo shubmey dhabanadiisa…dhulkii ayaa cariiri ku noqdey ninkii….wuxuu niyadda iska yiri waa in aan ka takhalusaa ninkaan… waxa uu degdeg ula xiriirey xafiiska adeegayaasha sidii u tarxiili lahaa adeegtada ku noqotey ninka… waana la safriyey ninkii markii in muddo ah uu ku shaqeynayey magaca iyo muuqaalka adeegto daacad ah, wuxuuna reerkii uga tagey yaab iyo amakaag iyo is haaraamid… waa qiso dhab ah oo ka dhacdey wadan wadamada carabta.

Axmed Deeq Maxamed

Qaranimo2009@yahoo.com