sheeko soomaaliyeed ayaa waxay leedahay islaan baa wiilkeedii hadalkii ka dib dhacay markaas ayay ilaahay ka bariday inuu wiilku hadlo, laakiin ilaah kama aysan baryin in uu wax san sheego,wiilkii kalimadii ugu horaysay ee uu yiraahdo waxay naqatay mid aan islaantii cajabin oo ay ka xumaato markaas ayay hadana ku ilaah bariday oo tiri ilaahow shib iigu sii.

Hadaba waxaa isweydiin leh yaa xasan intii uu shalay yiri ka fiican ka filanayay,xasan maaha nin nabadeed mana aha nin dagaal ee waa fidno wade, dagaalka uu ku baaqayna isagu waa uu ka badbaadayaa oo sidii caydiid ama shariif ama hogaamiye yaal kale oo badan safka hore wax kama hogaamiyo ee asagoo xafiis fadhiya ayuu tilifoon ku dagaalamayaa.

Xasan waxaa noo soo diray isyaas kadib markii ay u muuqatay in xaaladdu ka soo raynayso wuxuuna doonayaa in uu fuliyo ajandaha isyaas u soo xilsaaray.

Markii xaalku meeshaas marayo waxaa soo muuqanaya kaalinka ay leeyihiin ama lagarabo ahna waajibka diinigaa dadweynaha reer muqdisho oo ah kuwa ugu horeeya ee sida la huba dhibaatadu si toosan iyo si dadbanba u saamayn doonto ayaa waxaa laga doonayaa in ay yiraahdaan maya, xataa marqura in laga maqlo kalimadda maya iyaga oo is hortaagaya anshax xumida uu wado wadaadka lagu muransanyahay afkaartiisa

Muqdisho dhib uma noqdo,cudur uma noqdo, qax uma noqdo gaajo uma noqoto,dadku waa ay ka daaleen marin habaabin iyo dano gaar ahaaneed mana badna hadda cid diyaar u ah in ay jaranjaro u noqoto danaha xasan si uu u gaaro dantiisa gaarka ah.
 
Waxaa xadiis saxiix ahi leeyahay qofka muslimka ahi hal god laba jeer lagama wada qaniino,saas darteed reer muqdisho waa xiligii la ogaan lahaa bal in ay ogolaanayaan marwalba in isla godkii laga qaniino ama in ay yiraahdaan nagu filan.
 
Dadka reer muqdisho waa inay is weydiiyaan aaway maanta c/hi? jawaabtu waxa ay tahy in uu qaxooti ku yahay yemen, saas oo kale qof walba ee maanta meel joogaahi beri ma sii joogayo,hadii uu xun yahay iyo haduu fiican yahayba, oo waqtiga ama wadka ayaa meesha ka wadi doono ee khilaaf walba yaan xabad lagu xalin yaanan dhalintii bari iyaga loo dhiibi lahaa loona diyaarin lahaa mustaqbalka dadka iyo dalka hadda yaan loo adeegsan dan gaar ah oo uu nin leeyahay.
 
waxaan maqaal kayga ku soo gunaanadayaa in maalintii xasan dalka yimid ilaa hadiiba uu sii joogo  ilaa sedex bilood tirakoob lagu sameeyo tirada dhimashada ka dhici doonta muqdisho,lana barbar dhigo sdexdii bil ee ka horaysay imaashihiisa taasna lagu xukumo laguna ogaado bal waxa uu soo kordhiyo.

W/Q: Xasan Maxamed

Faafin miisaanka.com