Wuxuu yiri asagoo oynaya: Waxaan aad u jeclaaday in aan daawado filimaanta, waqtigayga oo dhanna waxaan ku lumiyay in aan video soo kireysto oo daawado, ilaa aan ka jeclaaday naagihii matalayay filimka, oo aan hawada kala saaxibay.

Waxaan aad oola dhacay quruxdooda iyo qaabka ay u socdaan, iyo noolasha heerka sare ay ku matalayaan filimka, waxaan noolasheeyda oo dhan ku xiray wax khiyaali ah oo shaashada tv-ga ka socda.

Waxaan dareemay in aan si tartiib ah u galay noolal cusub, noolasha xaqiiqda aan  ku noolahay in aysan ahayn tii saxda ahayd, waxaan iska noqday nin caalam kale lahaysta., waxaan isu dhiibay noolashaas khiyaaliga ah anigoo 28 jir ah, sadax caruurna a leh.

Waxaan bilaabay in aan ka fogaado waaqica xaqiiqda ah ee aan ku jiray waxaana iska sawirtay anoo guursaday naag la mid ah kuwa aan filimaanta ka daawado, waxaana iska sawirtay noolal aan caadi ahayn iyo damaashaad.

Natiijada arintaasna waxay noqotay in aan Xaaskaygii ka jeesto oo aanba daymoon, una arkayay in ay tahay wax aan jirin, waxaan aad u laba jibaaray Daawashada filimaanta, waxaana dhici jirtay in aan ku soo ceshan jiray meelaha qatarta ah  ee noolasha khiyaaliga lagu matalayo iyo naagaha shidan ku jiraan in ka badan 20 jeer hadde waa labaatan jeer.

Xaaskayga ayaa dareentay in aanba u soo jeedin oo iska hilmaamay, arintaas oo ay aad oga murugootay, waxayna bilawday in ay i weydiiso wax igu dhacay, waxaana ku iri daal un wax kale ma jiraan, waxaana si lama filaan ah ku gaaray go'aan aad khatar u ah.

Waxaana is iri Noolasha kuwa filimaanta matala ay ku nool yihiin ayaa wax badan ka fiican noolasha qoftan iyo ilmaheeda, waxaana farta ka saaray waraaqdeedii halkaasna waxaan ku furay xaaskaygii.

Muddo kadib waxaan guursaday xaas kale, waxaaba ii soo baxaday xaaskaygii hore in ay ii ahayd janno iyo qof aad igu fiican, waxaana u galay naag baalaya ah.

Markasta oo aan hab siiyo mid kamid ah sadaxdeyda caruur ayaa ilmo fililiq iga soo dhahdaa waxaana Soo xasuusta waxa xaday caqligaygii  iyo qalbigaygii iyo garashadeydii in uu ahaa daawashada filimaanta khiyaaliga ah.

Waxaana ii soo baxaday naagaha filimaanta jila in ay ku noolyihiin noolal ka duwan midda ay filimka ku jilaan, ayna tahay noolasha xaqiiqda ay ku noolyihiin mid aad u hoosaysa  aadna u liidata.

Erayada iyo qaabka ay wax u jilayaana waa wax laga soo shaqeeyay oo ay rabaan in ay ku jahwareeriyaan masaakiinta daawanaysa sida anigoo kale.

Waan ogaaday dhagartooda lakiin goorma?  mar ay xeero iyo fandhaal kala dhaceen. Waxaan jirin bay nagu lug gooyeen Allaw i danbi Dhaaff!

W/Q:

Cawil Xasan Xaaji Adan

miisaanka.com

La wadaag sheekooyinkaada wanaagsan akhristayaasha, ku soo dir emailka hoos ku qoran mahadsanid.

miisaanka@gmail.com