Shabakadda miisaanka ayaa soo bandhigi doonta sheekooyin qosol iyo xikmad isugu jira, maantana waxaan soo qaadanaynaa Sheekooyin goos goos ah oo xiisa badan.

Qisada 1aad.

Nin baa alle ku galadeystay gabdho(inamo) oo wuxuu lahaa lix gabdhood, xaaskiisa xaamilo ayay ahayd, wuxuu aad oga cabsi qabay in ay gabadh ka soo tuurto, wuxuuna jeclaa in ay wiil u dhasho.

Wuxuu go'aan ku gaaray in uu iska furo haday gabadh dhasho! Habeenkii markuu seexaday ayaa wuxuu ku riyooday asagoo qiyaamo taagan, naartiina la keenay, markasta oo loo ka xeeyo dhinaca albaab kamid ah alaabada naarta waxaa iska hor istaagayay gabdhihiisa mid kamid ah oo ka celinaysay in uu galo naarta ilaa laga keenay albaabkii lixaad ee naarta waxaana iska hor istaagay gabdhihiisa mid kamid ahayd,

Markii lagu sii waday albaabkii todobaad ayuu hurdadii ka booday asagoo naxsan  ogaadayna qaladka go'aankii uu gaaray wuu ka shalaayay duco iyo danbi dhaaf ayuu weydiistay Allah wuxuuna yiri: Alloow gabadh Todobaad  nasii.

qisada 2aad.

Nin la oran jiray Jaaxidh ayaa nin baa weydiistay in uu arji ogu qoro nin maalqabeen ahaa  oo ay Jaaxidh isku ahaayeen far iyo faraanti, Jaaxidhna waa ka yeelay

oo Waraaqdii wuxuu ku qaray erayadan: Waraaqda ninka ku keenaya isma naqaan kugumana waajibinayo in aad wax siisid, hadaad danta uu leeyahay u dhamaysidna kugu amaani maayo hadaad iska ceyrisidna kugu eedayn maayo.

ninkii ayaa waraaqdii furay saaba waxaa ku qoran erayadan yaabka leh, waxayna ku noqotay arin kadis ah ninkii ayuu dib ogu soo laabtay, wuxuu ku yiri oo maxay tahay waxan aad waraaqda igu qortay? wuxuu yiri  tani waa ii calaamd qofka aan wanaajinayo ayaan u qoraa!!

Ninkii baa yiri: Gacmaha iyo lugaha Alle ku goo, oo nacladi kugu dhacaday, ninkii waraaqda qoray baa yiri war habaarka iyo caydu maxay tahay?, wuxuu yiri tani waa ii calaamd oo qofka aan u mahad celinayo ayaan ku iraahdaa

Qisada 3aad

Waa qiso Xiiso badan leh, haddaba waxaa laga yabaa in aadan fahmin meesha qosolka kaga jiro ee dhuux oo sifiican u aqri.

Waxaa la yiri nin reer miyi ah ayaa u yimi nin Barasaab u ahaa Xajjaaj, Barasaabka iyo reer miyugu isku tuulo ayay ka yimaadeen.

Cunto ayuu u keenay ninka reer miyigana aad buu u gaajeysnaa, intuu cunteeynayay ayuu wuxuu bilaabay Barasaabkii in uu ka wareysto reerkisii iyo xaaskisii oo ku sugnaa tuuladii.

Barasaabkii wuxuu yiri: iga waran wiilkaygii Cumayr ahaa?

Reer miyigii wuxuu yiri: Sida aad jeceshahay ayuu ku sugnaa, ciida ayaa buxisay rag iyo dumarna waa u buuxiyeen.

Barasaabkii  wuxuu yiri: Hooyadiis maxay haysaa?

Reer miyigii wuxuu yiri: iyaduna wey wanaagsanayd xaalada fiican bay ku sugantahay.

Barasaabkii  wuxuu yiri: Guryihii iga waran?

Reer miyigii wuxuu yiri: reerihii lahaa baa camiray.

Barasaabkii wuxuu yiri: ka waran eygii iqaac?

Reer miyigii wuxuu yiri: qaylidiisa ayaa cirka buuxisay

Barasaabkii  wuxuu yiri: bal ka waran ratigaygii zariiq ahaa?

Reer miyigii wuxuu yiri: xaalad ku farax galinaysa ayuu ku suganyahay.

markay halkaas marayso warbixintii ninka reer miyiga ah ayaa Barasaabkii  u dalbay in cuntada loo biiso, ninkan reer miyiga ah nin dhargaya ma ahan, Barasaabkiina  waa la yaabanaa suaalaha sida uu oga jawaabayay, deeto marka kale ayuu yiri bal ninyahow i waran oo igu celi waxa aad sheegeysay, reer miyigii wuxuu ku jawaabay i warso wixii aad rabtid.

Barasaabkii wuxuu yiri: ka waran eygii iqaac?

Ninkii reer miyaga ayaa yiri uu dhintay, oo maxaa dilay buu weydiiyay?  , wuxuu ogu jawaabay wuxuu ku margaday laftii ratigii zariiq saas ayuu ku dhintay, Barasaabkii oo yaaban baa weydiiyay oo Ratigaygii Zariiq ma dhintay ninkii baa ku jawabay haa.

oo maxaa dilay buu weydiiyay? waxaa dilay caano culus oo u daldalayay qabrigii Cumayr hooyadiis. OO miyay dhimatay Cumayr Hooyadiis ninkii baa ku jawaabay haa, oo maxaa dilay iyadana? reer miyigii baa yiri say ogu barooranaysay wiilkeedii Cumayr bay dhimatay.

oo Cumayrna ma dhintay? saa wuxuu yiri haa, oo maxaa dilay isagana, Gurigii ayaa ku soo dumay, oo guruugiina ma soo dhacay buu si la yaab leh u weydiiyay?  haa buu ku jawaabay ninkii Reer miyaga ahaa.

Barasaabkii inta istaagay buu dhangad la dhacay ninkiina cagaha ayuu wax ka dayay.

Waxaan filayaa Akhristoow in aad ka heshay sheekooyinkan kooban.

Fadlan waxaan kaa codsanaynaa in aad fikirkaada ama sheekooyin xiiso badan hadaad haysid aad emailka noogo soo hagaajisid si laguula wadaago wax qalbiga aad ku haysid.

Cawil Xasan Xaaji Adan

miisaanka.com

miisaanka@gmail.com