Isma qabato dowladu waa gaalo halala dagaalamo iyo madaxda dowlada qaarkood yaan la dilin.

Sh Cabdulqadir Cali Cumar oo ah wasiirka arrimaha gudaha, ayaa lala beegsaday qarax 23-03-09, dad bdan ayaa dhaleeceeyay falkaas foosha xumaa.

Waxaana lala yaabay in kooxihii Dowlada gaalaysiiyay dagaalkana kula jiray ay ayaguna cambaareeyeen falkaas.

Suaashu waa sidee isku keeni kartaa in dowlad ay gaalaysiiyeen dagaalna uga soo horjeedaan, hadana in ay cambaareeyaan falka lala beegsaday wasiirka?

Taasi miyay ahayn shacabka oo la marin habaabinayo iyo taageero shacab oo la raadinayo.

Qaraxa lala beegsaday Sh Cabdulqadir Cali Cumar hadii lala beegsan lahaa saaxiibada kale ee ay dowlada ku wada jiraan sida Gen Cabdi Qeybdiid, Jurile, Cirro, lagama xumaadeen lamana cambaareeyeen.

Caqligee iyo diintee ogolaan karta laba qolo oo isku dowlad ku jira isku siyaasad ah isku dustuur ah, in qaarna dhiigooda loo farabaxsado, qaarna la cambaareeyo isku dayga dilkooda.

Maxay tahay munaafaqada intaas dhan masa ninkii dowlada ku jira oo shacbiyad haysta, dhiigiisu waa xaaraan, si aan taageerada shacabka loo dhumin, hadii uu dowlada ku jiro uusan haysana taageero shacab, dhiigiisu waa xalaal si taageerada shacabka loo kasbado.

Sida muuqata cambaaraynta kooxaha ka soo horjeeda dowlada, ay cambaareeyeen qaraxa lala beegsaday wasiirka, maaha mid diin ku taagan, ee waa arin ay taageero shacab ku doonayaan.

Kooxaha Xisbul Islaam iyo Al-Shabaab 2ba arrin waa in midkood loogu soo hagaago.

1-In ay dowladu gaalo tahay, lana dagaalamaan, ugaarsadaana madaxda dowlada iyo cid walba oo la shaqaysa.

2-In ay dowladu muslim tahay, dhiigooda iyo la dagaalankooduna banaanayn, ayada oo aan loo kala qaadayn hebel iyo hebel.

Arrin sedexaad oo labadaas u dhexeeya ma jiri karo, haduu jirana waaba sida la arkay, waxa uu ku qotomaa munaafaqnimo iyo shacab iska dhisid.

Cabdullaahi Adan Nuunoow.

Miisaanka.com Muqdisho.

miisaanka@gmail.com