Gudoomiyaha Ururka Cusub ee Wata magaca Culimada Somaaliyeed Dr sheikh Bashiir Axmed Salaad, Ahna madaxa uruka al-ictisaam Ex-al-itixaad ahna sidoo kale madaxa garabka hubeysan ee ururka Al-itixaad ee lagu magacaabo Jabha islaamiya (JABISO) ayaa ku baaqay in la joojiyo hadalo aan wanaagsaneeyn oo laga jeediyo masaajida qaar ee magaalada Muqdisho,kuwaasi oo uu ku tilmaamay in ay isugu jiraan Rido ku xukumid aan sharic aheeyn iyo baneeysasho dhiiga qofka Muslimka ah,waxaana uu ka digay in arintaasi ay sababto isku dhac Muslimiinta dhexdooda ah.
Waa arin lagu farxo maanta in ay ka digeen arimahan oo kooxo badani oo shaati diin ah wata kulumeen, lakiinse waxaad moodaa in ay dabo ka keen tahay oo looga bahnaa in ay mar hore arinta ka digaan, maxaa yeelay dhibka maanta daba qabasho ma leh wuxuuna marayaa xili ay xeero iyo fandhaal kala dhaceen.
Sheikh Bashiir ma ahan nin yar oo saaxada ku cusub waa jiray intii kooxahan jireen asagana xubin ayuu ka ahaa ururada saaxada jooga ilaa u ka noqday madaxa ogu sareeya ururkii fashilmay ee Itixaad.
Haddaba Waxaan ognahay ururka Al-itixaad in uu banaystay dhiiga muslimiinta dagaalo dad badani ku hoobteen ay lug ku lahayeen, isla markaana Aabo u ah dhamaan wax maanta hubka sita ee magaca islaamka ku qaraabanaya.
Sidoo kale wey adag tahay in hadalka sheikha Samayn weyn ku yeesho Saaxada madaama uu ku lug leeyahay siyaasada wasakhaysan ee Somaaliya uuna wali madax u yahay ururka hubeysan JABHA ISLAAMIYA (JABISO) Ee garabka Al-ictisaam.
Si kastaba ha ahaatee Hadalka sheikha waa hadal fiican ahaydna in mar hore laga maqlo.
Halkan ka dhageyso Hadalka sheikha.
Cabdullahi Adan Nuunoow
Miisaanka.com Muqdisho, Somaaliya
Miisaanka@gmail.com
No comments have been provided.
